Til forside

Nyheter

Til toppen av siden

Fornya satsing mot støy

07.04.06 Åtte statlege etatar tilrår at eit nytt nasjonalt støymål strekk seg fram mot 2020. Direktoratsgruppa tilrår eit todelt nasjonalt mål: Eit mål retta mot den generelle støyplaga i Noreg slik vi har i dag, og eit anna mål retta mot dei som er utsett for dei høgaste støynivåa.

Rapport om satsing mot støy

  • Rapporten er utarbeida av ei direktoratsgruppe der Avinor/Oslo Lufthavn Gardermoen, Forsvarsbygg, Jernbaneverket, Luftfartstilsynet, Nasjonalt folkehelseinstitutt, Sosial- og Helsedirektoratet, Statens forureiningstilsyn og Vegdirektoratet har deltatt. Oslo kommune har også deltatt i arbeidet.
  • Rapporten tar for seg: Evaluering av det nasjonale målet for støy, utarbeiding av handlingsplan mot støy, vurdering av ambisjonsnivået i forureiningsforskrifta kapittel 5 om støy.

Direktoratsgruppa har utarbeida rapporten som eit grunnlag for regjeringa si satsing mot støy. Dei åtte statlege etatane tilrår å skjerpe ambisjonsnivået i forureiningsforskrifta kapittel 5 om innomhus tiltaksgrense mot støy.

Handlingsplan mot støy

Gruppa har også utarbeida forslag til innhald i handlingsplan mot støy for ulike kilder. Planen er fokusert mot styrking av kunnskapsnivået og utvikling av virkemiddel for å få eit betre grunnlag for støysatsinga framover, samt virkemiddel og tiltak som ein vurderer som aktuelle ut frå situasjonen i dag.

Departementsgruppe skal vurdere tilrådingane

Ei gruppe med representantar frå Helse- og omsorgsdepartementet, Miljøverndepartementet og Samferdselsdepartementet skal på grunnlag av tilrådingane i rapporten, vurdere videre oppfølging i samband med ny satsing mot støy.

Til toppen av siden
Til toppen av siden