Dálkkádat- ja nuoskkidandirektoráhta lea Birasgáhttendepartemeantta vuollásaš direktoráhtta mii álggahuvvui 1974:s.

• Dálkkádat- ja nuoskkidandirektoráhtas leat 270 mielbargi. Min váldokantuvra lea Helsefyras Oslos, muhto mis lea maid kantuvra Skienis.     
• Mii bargat dan nammii ahte nuoskkideapmi, dearvvašvuodavárálaš buktagat ja bázahusat eai galgga dagahit dearvvašvuodavahágiid, čuohcit áigeloaktimii dahje vaháguhttit luonddu buvttadeami ja iešođasteami návccaid.     
• Mis lea erenoamáš ovddasvástádus áhpe- ja jávrenuoskkidemiide, dearvvašvuođa- ja birasvárálaš kemikálaide, bázahusaide ja ođasteapmái, dálkkádatrievdadusaide, áibmonuoskkideapmái ja šlápmii.     
• Mii galgat leat olggosguvlui ja aktiivvalaš etáhtta mas lea bajilgovva birasdilis, mat guorahallat ovdáneami ja dieđihit čielgasit ođđa birasáitagiid dahje birrasa negatiivvalaš ovdáneami birra.     
• Dálkkádat- ja nuoskkidandirektoráhta vuoruha dearvvašvuođa- ja birasvárálaš kemikálaid ja dálkkádatrievdadusaid barggu, mat leat mávssoleamos birasáitagat.     
• Dálkkádat- ja nuoskkidandirektoráhta lea ovddasvástádus čuovvolit nuoskkidanlága ja buvttadárkkistanlága.     
• Mii addit earret eará luoitinlobiid ja dárkkistit ahte lobiid čuvvot. Mii čuovvolit maiddái muhtin njuolggadusaid mat gullet lágaide.     
• Iešguhtet surggiin lea ovddasvástádus ovttaiduhttit birasberoštumiid iežaset bargui. Dálkkádat- ja nuoskkidandirektoráhta bargá dahkame ovddasvástádusa čielggasin ja áigu ráhkadit vuogádaga maiguin bohtosiid čuovvola.     
• Ain eanet eaŋkiláššit sirdojuvvojit regionála dássái. Dálkkádat- ja nuoskkidandirektoráhta čuovvola áššesurggiid ja sirdá gelbbolašvuođa sidjiide geat galget meannudit áššiid.     
• Eará guovddáš bargun Dálkkádat- ja nuoskkidandirektoráht:ii lea addit Birasgáhttendepartementii rávvagiid, bagadallama ja fágalaš vuođđoávdnasiid.     
• Birasváttisvuođain eai leat rájit, ja gaskariikkalaš bargu lea hui mávssolaš. Dálkkádat- ja nuoskkidandirektoráhta oassálastá aktiivvalaččat ollu gaskariikkalaš báikkiin ja viidásetovdánahttá veahkkebarggu ovttas Norad:in.
  

SNB bálvalusjulggaštus