Til mottakarar jf. vedlagt adresseliste

Dato: 08.06.04
Vår ref.: 2003/1065

Forslag til endring av forskrift om kasserte elektriske og elektroniske produkt. Høyring.

Miljøverndepartementet og Statens forureiningstilsyn føreslår å endre forskrift av 16 mars 1998 om kasserte elektriske og elektroniske produkt (EE-avfall), sist endra ved forskrift av 4. juli 2003. Endringane skal implementere Europaparlamentets og Rådets direktiv 2002/96 om avfall frå elektrisk og elektronisk utstyr. Det er samstundes føreslege ei effektivisering av noverande system for EE-avfall. Forslaget vil ha avgrensa økonomiske konsekvensar. Vi ber om at høyringsuttalar vert sendt SFT innan 10. september 2004.

Forslaget er dokumentert i rapport som ligg på Internet: www.sft.no/ee Ved eventuelle problem med nedlasting kan ein vende seg til Ojars Butvillo, tlf. 22 57 34 24 for å få tilsendt rapporten som papirkopi eller e-post.

Vi presiserer at pliktene til produsent også vil omfatte norske verksemder og offentlege institusjonar som importerer EE-produkt til eige bruk. Endeleg forskriftstekst kan bli justert for å gjere dette tydelegare. Det vil elles bli vurdert mindre justeringar i høve til produsentregisteret

EU har også vedteke eit direktiv om avgrensing i bruk av visse farlege stoff i nye EE-produkt (2002/95). Norsk regelverk som implementerer dette direktivet vil bli sendt på høyring seinare. Referansane til endringar i produktregelverket i rapporten på www.sft.no/ee er difor å rekne som førebels, og berre til orientering. Vedlegg 2 til 7 er også kun til orientering.

Vi ber om at høyringsuttaler blir knytt direkte til forskriftsteksten i vedlegg 1, og ikkje til formuleringar i rapporten eller vedlegga. Av omsyn til framdrifta kan vi ikkje behandle høyringsuttalar som er oss i hende seinare enn fredag 10. september.

Med helsing

Hans Aasen (e.f.)
Seksjonssjef

Rune Opheim
Rådgjevar

Vedlegg:
Adresseliste

Kopi til:
Miljøverndepartementet