Lysing

Energi Recycling AS søker Statens forureiningstilsyn om løyve etter forurensningsloven §§ 7, 11, til å etablere aktivitet i Høyanger kommune. Bedrifta skal produsere råvarer til sinkproduksjon (oksidisk råstoff) og vil nytte støv (avfall) med høgt innhald av sink frå stålindustrien som råvare. Det søkes om ein produksjon på inntil 41.000 tonn oksidisk råstoff årleg.

Geografisk skal bedrifta etableras på eit område som er regulert til industri, ved sida av Hydro Aluminium i Høyanger.

Utslepp til luft vil væra reinsa røykgass frå prosessen og inneheld blant anna støv, HCl, HF, SO2, NOx og Hg. Utslepp til vatn vil væra reinsa prosessvatn som skal gå til Høyangsfjorden, ein sidefjord til Sognefjorden. Prosessvatnet inneheld blant anna Pb, Zn, Cd, Hg og Cu.

I første fase vil verksemda få eit avfall (vitrifisert glassmasse) som skal deponerast, men som på eit seinare høve vil bli forsøkt nytta som fyllmasse etc. Den vitri-fiserte glasmassen er tenkt nytta til utfylling og utbygging på industriområdet til Hydro Aluminium.

Bedrifta regner med å ha ca 40-50 tilsette, og skal drive døgnkontinuerlig. Når det gjelder støy frå verksemda søkjer bedrifta om grenseverdiar i tråd med etablerte krav for industrien (dag 50 dBA, kveld 45 dBA, natt 40 dBA).

Bedriftas søknad er lagt ut til offentleg innsyn i Høyanger Rådhus og Høyanger bibliotek.

Eventuelle kommentarar og innvendingar til søknaden må sendes SFT, Postboks 8100 Dep, 0032 Oslo, innan 05.12.2002.