Kunngjering

Søknad om godkjenning av tredjepartstiltak i ferjer i Boknafjordsambandet i staden for å redusere NOx-utslipp frå gassanlegget på Kårstø

Gassco har i brev av  20.08.2002 søkt Klima- og forureiningsdirektoratet om godkjenning av tredjepartstiltak om gassferjer i Boknafjordsambandet.

Gassco er av Miljøverndepartementet i brev av 27.06.2001 gitt høve til delvis å oppfylle pålagte NO_X –reduksjonar ved å gjennomføre tiltak i andre utsleppskilder enn i eiget anlegg.  Det er knyta fleire vilkår til denne løysinga, m.a. at miljøeffekten skal være minst like god som om reduksjonen fann  stad i eiget anlegg.

Tiltaket er å erstatte konvensjonelle dieselferjer med gassdrevne ferjer for å redusere NO_X –utsleppa frå ferjesambandet.  Gassco legger til grunn at det vil komme nye dieselferjer til dette sambandet.  Gassco opplyser at NO_X –reduksjonane vil være ca 355 tonn per år.  Utsleppet frå ferjesambandet er innafor influensområdet  for NO_X –utslepp frå Kårstø.

Søknaden er lagt ut til offentleg innsyn i Tysvær kommune, rådmannskontoret. I tillegg har Gassco lagt søknaden ut på Internet; www.gassco.no. 

Eventuelle innvendingar mot at det vert gitt løyve til tredjepartstiltaket, skal sendast til Klima- og forureiningsdirektoratet, Postboks 8100 Dep, 0032  OSLO, innan 13. desember 2002.

Partar i saka vil bli informerte om SFT si avgjerd.