Kunngjering

Søknad om endra løyve til utslepp av forureining til vatn og luft og støy frå gassprosesseringsanlegget på Kårstø

Gassco har ved brev av 04.10.2002 søkt Klima- og forureiningsdirektoratet om endra utsleppsløyve for gassprosesseringsanlegget på Kårstø som følgje av utvida gassbehandlingskapasitet i samband med m.a. ilandføring av gass frå Mikkel- og Kristinfeltet samt utviding av etananlegget og CO2 –fjerning frå salsgass.

Søknaden gjev opplysningar om utslepp til luft og sjø. Utsleppskomponentane vil vera av same slaga som Gassco har utsleppsløyve for i dag. I søknaden er det gitt ei skildring av grunnlaget for søknaden, dei ulike utsleppa, avbøtande tiltak og oppfølging av utsleppa.

Utslepp til luft

Gassco søker om å auke CO2 -utsleppa frå 1.330.000 tonn per år til 1.405.000 tonn per år frå oktober-2003  og til 1.650.000 tonn per år frå oktober 2005. Vidare søker dei om å auke NOX -utsleppa frå 950 tonn per år til 1.220 tonn per år frå oktober 2003 og til 1.065 tonn per år frå oktober 2005.

Utslepp til vatn

Gassco søker om å auke utsleppa av totalt organisk karbon (TOC) frå 50 tonn per år til 60 tonn per år frå 2005. Dei søker også om å auke utslepp av kjølevatnet frå 41.000 m3/time til 46.000 m3/time frå 2003 og til 53.000 m3/time frå 2005.

Støy

Gassco forventar ikkje at støynivået ved næraste hus vil endrast.

I søknaden viser Gassco til tre konsekvensutgreiingar:

• «Konsekvensutgreiing for NET 1 –Utviding av gassbehandlingsanlegget på Kårstø» juli 2001
• «Konsekvensutgreiing for utviding av gassbehandlingskapasitet på Kårstø – DPCU II» september 2002
• «Konsekvensutgreiing for Craier» september 2002.

Dersom høyringspartar ønskjer konsekvensutgreiingane, kan desse hentast på Internett: www.gassco.no.

Søknaden er lagt ut til offentleg innsyn i Tysvær

kommune, Rådmannskontoret. I tillegg ligg søknaden på Internet; www.gassco.no.

Eventuelle kommentarar til søknaden skal sendast til Klima- og forureiningsdirektoratet, Postboks 8100 Dep, 0032  OSLO, innan 31.3.2003.

Partar i saka vil bli informerte om SFT si avgjerd.