Kunngjering

Søknad om utsleppsløyve frå Solberg Scandinavia AS

Solberg Scandinavia AS i Radøy kommune har søkt Klima- og forureiningsdirektoratet om løyve til verksemd i medhald av lov av 13. mai. 1981 nr 6 om vern mot forureining og avfall (forureiningslova).

Solberg Scandinavia AS produserar ulike typar skumvæsker til bruk ved brannsløkking. Som ein del av verksemda vert det gjennomført testing av
brannskum på eigen tilrettelagt brannøvingsplass.

Produksjonen skjer batch-vis, og baserar seg hovudsakeleg på ulike overflateaktive stoff, deriblant nokre ikkje PFOS-haldige organiske
fluorforbindelsar. Vidare vert det brukt noko organiske løysemiddel,
karbohydrat, salt og mindre mengder konserveringsmiddel og
korrosjonshemmarar.

Utslepp til vatn stammar hovudsakeleg fra vask av utstyr og avrenning frå brannøvingsplassen. Utslepp til luft består av avgassar frå forbrenning av løysemiddel ved testing av brannskum.

Vaskevatn frå produksjonen er hittil blitt leidd til septiktank med vidare utslepp til Radsundet. Avløpsvatn frå brannøvingsplassen er også leidd til Radsundet. Vaskevatnet og avløpsvatnet vil frå mars 2009 bli samla opp og leia til særskilt tank. Bedrifta har starta arbeidet med å etablere eit reinseanlegg basert på våtmarksfilter og aktivt kol. Når anlegget er etablert, vil oppsamla vatn bli reinsa i dette, før utslepp til fjorden.

Søknaden frå bedrifta er lagt ut til offentleg innsyn ved servicetorget i Radøy kommune. Eventuelle kommentarar til søknaden skal sendast til
Statens forureiningstilsyn, Pb. 8100 Dep, 0032 Oslo innan 4 veker fra
kunngjeringsdato.