Verksemda vil søkje Klima- og forureiningsdirektoratet om løyve etter forureiningslova til produksjon av natriumkarbonat. Eksos frå forbrenning av gass skal saman med flygeoske og sjøvatn, skapast om til natriumkarbonat. Frå prosessen vil det òg bli produsert kalsiumklorid og
natriumsulfat. Verksemda vil nytte CO2 frå eksos frå naboverksemda Bergenshalvøens kommunale kraftselskap (BKK) og flygeoske frå kolkraftverk. Import av flygeoske og transport av ferdige produkt skal gjerast med båt. Før behandlinga av søknaden, skal verksemda gjennomføre ei konsekvensutgreiing.

EnPro har no utarbeidd ei melding med framlegg til program for konsekvensutgreiing. Gjennom høring av meldinga, ønskjer Klima- og forureiningsdirektoratet å få innspel på kva dei bør utgreie og leggje fram i konsekvensutgreiinga. Konsekvensutgreiinga skal klargjere alle relevante konsekvensar av verksemda.

Frist for innspel 22. februar 2012

Saksdokumenta og skjema for elektronisk  tilbakemelding finn du på http://www.klif.no/horing2011-1861. Det er også mogeleg å sende inn høringskommentarar skriftleg, med referansenr. 2011/1861, til Klima- og forureiningsdirektoratet, Postboks 8100 Dep, 0032 Oslo.

Melding med framlegg til program om konsekvensutgreiing er lagt ut til offentleg innsyn ved Øygarden kommune, Rådhuset, Servicetorget, Ternholmvegen 2, 5337 Rong. Dokumentet er òg tilgjengeleg på http://www.oygarden.kommune.no.

Vi ber om eventuelle kommentarar til meldinga seinast 22. februar 2012.