Ved akutt
forurensning
ring: 110
Scanmet AS søkjer om endra utsleppsløyve for opphoggingsverksemda på Eldøyane, Stord (2011/869)
03.02.12 Kunngjering i Sunnhordaland og Norsk lysingsblad om at Scanmet AS har søkt Klima- og forureiningsdirektoratet om endra løyve til opphogging av offshorestrukturar brukt innan olje- og gassindustrien. Verksemda ligg på Eldøyane sør på Stord og har utslepp til Klosterfjorden. Høringsfrist er 8. mars.
Søknaden gjeld mottak og opphogging av stål og betongstrukturar for vidareformidling og mellomlagring av farleg avfall og EE avfall. Gjeldande løyve er gitt av SFT den 7. oktober 2004. Verksemda har i ein periode vore regulert frå Fylkesmannen i Hordaland inntil Klif tok den tilbake frå 1. mars 2011.
Scanmet AS søkjer om utslepp til sjø, luft og støygrenser i samband med verksemda. Det er gjennomført ei miljøkonsekvensanalyse som saman med søknadsskjema og andre aktuelle dokument no går ut til høring.
Høringsfrist 8. mars 2012
Miljøkonsekvensutgreiinga og søknaden om endring er lagt ut til offentleg innsyn på kommunetorget hos Stord kommune/Leirvik. Saksdokument og skjema for tilbakemelding finn du på denne sida (http://www.klif.no/horing2011-869). Det er óg mogeleg å sende inn kommentarar skriftleg (med referansenummer 2011/869) til Klima- og forureiningsdirektoratet, Postboks 8100 Dep, 0032 Oslo. Fristen for å gi tilbakemelding er 8. mars 2012
Tema
Klima- og forurensningsdirektoratet (Klif), postboks 8100 Dep, 0032 Oslo. Besøk: Strømsveien 96, 0663 Oslo. Telefon: 22 57 34 00.
Telefaks: 22 67 67 06. E-post: postmottak@klif.no. Organisasjonsnummer: 970 935 657. Nettredaktør: nettredaktor@klif.no.
