Kunngjering

Søknad om løyve til behandling av farleg avfall frå SIM Tankrenovasjon AS i Tysvær kommune.

SIM Tankrenovasjon har søkt Klima- og forureiningstilsynet om løyve til behandling av oljehaldig avfallsvatn på anlegget sitt på Frakkagjerde i Tysvær kommune. Konsekvensutgreiing er gjennomført og ligg vedlagt søknaden.

Flytande oljehaldig avfall vil kome til anlegget på bil. Avfallet vil bli pumpa frå bil inn på oppsamlingstank. Frå oppsamlingstank vil avfallet bli drenert til tre fraksjonar; fast avfall, olje og vatn. Fast avfall og olje vil bli levert til godkjente mottakarar for behandling, mens vatn vil bli reinsa i koalesensfilter før det blir leidd til oljeutskiller og vidare til kommunalt reinseanlegg. Planlagd gjennomstraum i anlegget er 2200 tonn farleg avfall per år.

SIM Tankrenovasjon har i dag løyve frå Fylkesmannen i Rogaland til mottak og mellomlagring av farleg avfall.

Søknaden og skjema for elektronisk tilbakemelding ligg på desse sidene (www.klif.no/horing2011-788). Det er også mogeleg å sende inn høyringskommentarar skriftleg, med referansenummer 2011/788, til Klima- og forureiningsdirektoratet, Postboks 8100 Dep, 0032 Oslo.

Søknaden er lagd ut til offentleg innsyn ved Tysvær kommune, Rådhuset i Aksdal, Servicetorget.

Vi ber om at eventuelle fråsegner til søknaden blir sende Klif innan 06.04.2013.