Til toppen av siden

Miljøvenleg areal- og transportplanlegging

05.02.02 Eit nytt eletronisk planleggingsverkty kan gjere det enklare å planleggje miljøvenlege byar og tettstader. ATP-modellen kan nyttast til mellom anna å vurdere plasseringa av nye vegar, kollektivløysingar og større verksemder. Det viser resultata frå eit prøveprosjekt i Sør-Trøndelag, Hordaland, Hedmark og Telemark.

Modellen for areal- og transportplanlegging (ATP-modellen) er eit planverkty som kan vise tilgang til dei ulike areala i høve til ulike typar transportmiddel.

Rett verksemd på rett stad

Resultata er eigna som grunnlag for praktisering av den nederlandske ABC-politikken: "Rett verksemd på rett stad". Denne tek sikte på å samordne arealbruken og transportsystemet slik at tilgjengelegheita blir betre, transportbehovet redusert og fleire nyttar miljøvenlege transportmiddel.
 

Samarbeid om uttesting og formidling

I samarbeid med Miljøverndepartementet har SFT ansvar for å leggje tilhøva til rette slik at regionale og lokale etatar har tilgang til eigna planleggingsverkty for å samordne arealbruken og transportsystema.
 

Brukarnettverk

I samarbeid med Vegdirektoratet, Statens vegvesen og dei fire fylkeskommunane Sør-Trøndelag, Hordaland, Hedmark og Telemark, samt Bergen kommune, har SFT tatt initiativ til eit brukarnettverk og testa ATP-modellen. Konsultentfirmaet Asplan Viak Trondheim har utvikla modellen.

Det blir teke sikte på å vidareføre og utvide brukarnettverket til større brukargrupper for å sikre kompetanseoppbygging og samarbeid på tvers av etatane.

Til toppen av siden

Tema

 

Klima- og forurensningsdirektoratet (Klif), postboks 8100 Dep, 0032 Oslo. Besøk: Strømsveien 96, 0663 Oslo. Telefon: 22 57 34 00.
Telefaks: 22 67 67 06. E-post: postmottak@klif.no. Organisasjonsnummer: 970 935 657. Nettredaktør: nettredaktor@klif.no.

Til toppen av siden