Ved akutt
forurensning
ring: 110
Til toppen av siden
Relaterte tema:
Eksterne lenker
- Om petroleumsvirksomheten
(Stortingsmelding nr. 38, 2003-2004)
Samla konsesjon for Snøhvit LNG
21.09.04 SFT gir Statoil løyve til drift av gasshandsamingsanlegget Snøhvit LNG på Melkøya i Hammerfest kommune. Løyvet omfattar utslepp av hydraulikkvæske offshore, utslepp av CO2 til undergrunnen og utslepp til luft, vatn og støy frå anlegget på Melkøya.
- Snøhvitfeltet ligg ca. 140 km nordvest for Hammerfest, og omfattar funna Snøhvit, Askeladd og Albatross.
- Utbygginga til Statoil er basert på innretningar på havbotnen, der gass og kondensat blir sendt i røyrleidning for handsaming på Melkøya utanfor Hammerfest.
- Oppstart av første fase er planlagt til årsskiftet 2005/2006.
- Det er planlagt 21 brønnar på Snøhvit, Albatross og Askeladden.
- Første borefase omfattar seks produksjonsbrønnar, og ein brønn for CO2-injeksjon på Snøhvit og tre produksjonsbrønnar på Albatross.
- Statoil søkte 27. november 2002 SFT om løyve om driftsutslepp frå Snøhvit LNG. I juni 2003 fekk Statoil løyve til utslepp frå energianlegget. No gir SFT løyve til anlegget for gasshandsaming. SFT har tidlegare også gitt løyve til boreoperasjonane offshore
Statoil får løyve til å sleppe ut det dei har søkt om, men SFT krev at hydraulikkvæska som skal brukast og nedbrytningsprodukt i den skal ha miljøakseptable eigenskapar.
Vassreinseanlegget
Utsleppsgrensene Statoil har fått er etter SFT si vurdering det ein kan oppnå ved bruk av best tilgjengeleg teknologi (BAT) for anlegget på Melkøya. Anlegget er planlagt som eit totrinnsanlegg, og det aksepterer SFT. Men SFT krev at Statoil skal leggje til rette for ytterlegare reinsing slik at dei kan instrallere eit ekstra reinsetrinn dersom det blir nødvendig.
Det er gitt strengare krav til utslepp av aminer og hydrokarboner frå vassreinseanlegget enn det Statoil søkte om.
Utslepp til luft
Det vil vere mindre utslepp til luft av karbondioksid (CO2), nitrogenoksider (NOx), metan og flyktige flyktige organiske forbindelser (NMVOC) frå prosessanlegget. Etter SFTs vurdering ligg utsleppa innanfor grensene av det det er rimeleg å forvente ved bruk av BAT.
CO2-injeksjon til undergrunnen
Det er nødvendig å skilje ut CO2 frå naturgassen før gassen kan sendast til LNG-anlegget. Det blir gitt løyve til å injisere 730.000 tonn CO2 per år til eigna reservoar i Snøhvit-området. Statoil må overvake dei lagra CO2-mengdene i reservoaret for mellom anna å kartleggje eventuelle lekkasjar.
Klage
SFTs vedtak kan påklagast til Miljøverndepartementet. Klagefristen er utsatt til 25. oktober 2004.
Tema
Klima- og forurensningsdirektoratet (Klif), postboks 8100 Dep, 0032 Oslo. Besøk: Strømsveien 96, 0663 Oslo. Telefon: 22 57 34 00.
Telefaks: 22 67 67 06. E-post: postmottak@klif.no. Organisasjonsnummer: 970 935 657. Nettredaktør: nettredaktor@klif.no.
