Norske forskrifter blir reviderte jamleg for å oppfylle forpliktingane i EØS-avtalen. Revisjonen av stofflista er ei implementering av EU sitt direktiv 2004/73/EF, som er den 29. tekniske tilpassinga til rådsdirektiv 67/548/EØF om klassifisering, merking mv. av farlege stoff.

Gjeld frå 31. oktober

Endringane i vedlegg VI, stofflista med forklaring, vil tre i kraft 31. oktober 2005. Dette er også implementeringsfristen i EU.

Revisjonen inneber endring av note K, og at ca. 900 stoff får ny eller endra klassifisering. Andre endringar, som endringar av språkleg karakter og endringar som følgje av at YL-forskrifta er opphevd, trødde i kraft 1. juli 2005.

Endringar i forskrifta

Av dei 900 stoffa som har endra eller ny klassifisering er spesielt:

• Kadmiumsulfid og benzo[a]pyren:  Stoffa har til no vore norske unnataksstoff då Noreg har klassifisert desse stoffa strengare enn i EU med omsyn til kreftframkallande eigenskapar. No har

  Revisjonen har vore utført av følgjande styresmakter:

  • Direktoratet for arbeidstilsynet (DAT)     
  • Direktoratet for samfunnstryggleik og beredskap (DSB)     
  • Petroleumstilsynet (Ptil)     
  • Klima- og forureiningsdirektoratet
  EU vedteke same strenge klassifiseringa som Noreg, og klassifiseringa er harmoniserte.
• Benzylbutylftalat (BBP):  Noreg har vore ansvarleg for dokumentasjonen for dette stoffet i programmet for vurdering av eksisterande kjemikal i EU. Vi fekk gjennomslag i EU for klassifiseringsforslaget vårt som omfattar mogleg fare for forplantningsevna og kan gi fosterskadar, i tillegg til miljøklassifisering.      
• Triklosan: Stoffet er eit norsk klassifiseringsforslag. Forslaget blei utarbeidd på grunn av uro for miljøeffektar. Stoffet blei klassifisert med strengaste miljøklassifisering og spesifikke lågare konsentrasjonsgrenser, i tillegg til at det er irriterande for auge og hud.