- Mottakskontroll er ein nøkkel til at forskjellige typar avfall kjem til rett behandling. Målet er å redusere avfall på avveg og sørgje for at det farlege avfallet blir forsvarleg behandla, seier SFT-direktør Håvard Holm.

Kontroll av deponi

- Miljøvernstyresmaktene set krav til drift av deponi for å sikre forsvarleg handtering av avfallet som blir levert. Kontrollane skal avdekkje om deponia blir drivne i samsvar med løyva. Det er til dømes krav til kor mykje deponiet kan ta imot av einskilde avfallsfraksjonar og kva for rutinar som skal følgjast ved mottak av avfall.

Oppfølging av tidlegare aksjonar

Kontrollaksjonen er ei oppfølging av tidlegare aksjonar som har vore retta mot mottaka for farleg avfall og næringslivet si behandling av farleg avfall i eiga verksemd.

- Store mengder farleg avfall oppstår kvart år og miljøvernstyresmaktene sin strategi er å følgje dette tett, seier SFT-direktør Håvard Holm.

Deponi som skal stengje

Kontrollaksjonen er retta mot alle deponi, både dei som skal stengjast om kort tid og dei som har løyve til å drive framover. På deponia som skal avsluttast vil kontrollane hovudsakleg fokusere på mottakskontroll og framdrift i avslutningsplan.