Regelhjelp.no skal gjere det enklare for verksemder å finne fram til krava som er viktigast for dei. Informasjonen er organisert  bransjevis, og krava er prioritert. Brukarar på nettstaden vel bransje, og får informasjon tilpassa den bransjen verksemda er ein del av.

Samarbeid på tvers

Nå er ei ny teneste lansert: Ved å skrive inn organisasjonsnummer, får verksemda raskt opp sin bransje med tilhøyrande krav. Når organisasjonsnummer er tasta inn, vert opplysningar henta direkte frå Einingsregisteret, slik at brukaren får beskjed om kva bransje verksemda er registrert i.

På Regelhjelp.no finn brukaren dermed direkte fram til dei krava som gjeld for bransjen. Brukaren kan også enkelt gå inn og sjå sine opplysningar slik dei er registrert i Einingsregisteret, og endre eller oppdatere desse opplysningane.

Gjer kvardagen enklare for næringslivet

Tenesta er eit ledd i arbeidet med å gjere kvardagen enklare for næringslivet. Ho er eit eksempel på korleos informasjonsutveksling mellom etatar kan gjere ting enklare.

Bransjevis informasjon

Regelhjelp.no gjev bransjevis informasjon om kva for krav som gjeld for verksemder. Nettstaden vart lansert i september 2005 - da med informasjon for ti bransjar. I laupet av 2006 kan i overkant av 30 bransjar finne informasjon om sitt regelverk. Innen utgången av 2007 skal nettstaden omfatte alle bransjar. 

Fem etatar står bak Regelhjelp.no: 

• Arbeidstilsynet       
• Direktoratet for samfunnssikkerhet og beredskap (DSB)       
• Mattilsynet       
• Næringslivets sikkerhetsorganisasjon (NSO)       
• Klima- og forureiningsdirektoratet

Arbeids- og inkluderingsdepartementet (AID) finansierer nettstedet.