SFT har fått undersøkt innhaldet av 27 ulike perfluorerte sambindingar (PFAS) i utvalte tekstilar. Allvêrstekstilar til både vaksne og barn vart undersøkt, og det vart tatt prøve av ein smuss- og vatnavstøtande duk. Analysane syner innholdet av ekstraherbare fluorsambindingar i prøvene, og ikkje fluorsambindingar som er kjemisk bunde i bærelaga til tekstilane.

Stabile sambindingar

PFAS er generelt svært stabile sambindingar med unike kjemisk-fysiske eigenskapar. Vi veit i dag lite om helse- og miljøeigenskapane, med unntak av PFOS og PFOS-relaterte sambindingar.
SFT vil samarbeide med tekstilbransjen om moglegheiten for å få bytta ut bruken av PFAS med andre stoff. Miljøverndepartementet har bede SFT om å utrede eit forbod mot PFOS i tekstilar, impregneringsmiddel og brannskum. 

Auke kunnskapen

Alle dei analyserte tekstilane inneheld fluortelomeralkoholer. Kunnskapen om helse- og miljøegeinskapane til desse sambindingane må aukast. SFT vil derfor spørje Norsk institutt for vannforskning (NIVA) og Nasjonalt folkehelseinstitutt om ein litteraturstudie av helse- og miljiøeigenskapar ved mellom anna fluortelomeralkoholar.