Til toppen av siden

Europa må redusere klimagassutsleppa

30.10.06 Landa i Europa må intensivere innsatsen for å oppfylle pliktene dei har etter Kyotoprotokollen om å redusere utsleppa av klimagassar. Det syner ein ny rapport frå Det europeiske miljøbyrået (EEA).

Kyoto-mekanismane

Kyotoprotokollen opnar for at land kan innfri sine utsleppsplikter ved bruk av tre ulike fleksible mekanismar:
  • Felles gjennomføring (Joint Implementation): Det er mogleg å  oppnå kredittar for investering i utsleppsreduserande prosjekt i land som har plikter etter protokollen
  • Den grøne utviklingsmekanismen (CDM): Det er mogleg å oppnå kredittar for investeringar i prosjekt i u-land utan pliktar
  • Internasjonal kvotehandel (Emission Trading): Handel med CO2-kvoter mellom land med pliktar

EEA-rapporten tar for seg 33 europeiske land: 25 EU-land, fire søkarland til EU og fire EFTA-land, inkludert Noreg.

Må redusere utsleppa

Rapporten syner at nasjonale tiltak i dei 15 første EU-landa vil kunne redusere deira samla utslepp med rundt 5 prosent frå 1990 til 2010. Det vil seie at fleire av EU-landa må kjøpe utsleppsrettar frå andre land gjennom dei såkalla Kyoto-mekanismane for å oppfylle dei samla pliktene til EU til 8 prosent reduksjon i høve til 1990. Dette gjeld for eksempel Austerrike, Danmark, Irland og Italia.

Rapporten konkluderer med at Noreg ikkje kan nå eigne plikter utan bruk av Kyoto-mekanismane.

Utsleppa aukar i Noreg

Noreg har i Kyotoprotokollen bunde seg til at utsleppa av klimagassar ikkje skal auke med meir enn éin prosent i perioden 2008-2012 i høve til utsleppa i 1990. I perioden frå 1990 til 2005 har dei samla utsleppa av klimagassar auka med omtrent 9 prosent, eller 4,5 millionar tonn CO2-ekvivalentar. Veksten kjem i hovudsak frå ein markant oppgang i utsleppa frå olje- og gassverksemda på sokkelen og frå veitrafikken.
Til toppen av siden

Tema

 

Klima- og forurensningsdirektoratet (Klif), postboks 8100 Dep, 0032 Oslo. Besøk: Strømsveien 96, 0663 Oslo. Telefon: 22 57 34 00.
Telefaks: 22 67 67 06. E-post: postmottak@klif.no. Organisasjonsnummer: 970 935 657. Nettredaktør: nettredaktor@klif.no.

Til toppen av siden