Til toppen av siden

Melder Eras Metal i Høyanger til politiet

14.08.07 SFT melder Eras Metal AS i Høyanger i Sogn og Fjordane til politiet for ulovleg utslepp av 15 tonn slurry til Høyangsfjorden. Utsleppet er i strid med løyvet frå SFT.

Eras Metal AS hadde i september 2006 eit større akuttutslepp då 14,7 tonn slurry frå produksjon av sinkoksid rann ut i Høyangsfjorden. Over 4 tonn av slurryen var såkalla ERAS-oksid, som etter analyse viste seg å innehalde ca. 125 kilo bly. Det er 12-13 gonger meir bly enn det bedrifta har løyve til å sleppe ut årleg.

SFT ser alvorleg på utsleppet

Utsleppet av bly til Høyangsfjorden utgjer den alvorlegaste miljøtrusselen ved utsleppet, og SFT ser svært alvorleg på hendinga. Bly blir akkumulert i miljøet og blir opp teke av blant anna sjødyr, slik at tilførsle av bly i denne storleiken er svært uheldig for tilstanden i fjorden. SFT har meldt bedrifta til politiet.

Spørsmål kan rettast til SFT:

  • Seksjonssjef Harald Sørby, seksjon for mineralsk og petrokjemisk industri
    telefon: 22 57 34 74, e-post: harald.sorby@klif.no
  • Senioringeniør Bente Sleire, seksjon for mineralsk og petrokjemisk industri
    telefon: 22 57 35 59, e-post:  bente.sleire@klif.no
Til toppen av siden

Tema

 

Klima- og forurensningsdirektoratet (Klif), postboks 8100 Dep, 0032 Oslo. Besøk: Strømsveien 96, 0663 Oslo. Telefon: 22 57 34 00.
Telefaks: 22 67 67 06. E-post: postmottak@klif.no. Organisasjonsnummer: 970 935 657. Nettredaktør: nettredaktor@klif.no.

Til toppen av siden