SFT la i september 2005 fram ein analyse av kva for tiltak som kan redusere Noregs utslepp av klimagassar fram mot 2020, og anslag for kva det kostar å gjennomføre desse tiltaka. Vi har arbeida med å oppdatere denne analysen. Utkastet til analyse som vart omtalt i fleire medium torsdag, er frå mars i år. Analysen vart utarbeida i vinter som innspel til Miljøverndepartementet sitt arbeid med stortingsmeldinga om klimapolitikken.

Oppdaterer tiltaksanalysen

SFT har jobba med å oppdatere analysen av det tekniske potensialet for utsleppsreduksjonar i alle sektorar, anslag for kostnader og ei vurdering av gjennomførbarheit. Parallelt har SFT gjeve råd og bakgrunnsmateriale til Miljøverndepartementet om tiltak for å redusere klimagassutsleppa.

Det er i tråd med ordinær praksis at foreløpige versjonar ikkje blir offentleggjort.

Offentleggjøring i juni

SFT sin oppdaterte tiltaksanalyse er ikkje heilt ferdig enno. Vi jobbar no med endeleg finpuss og innhenting av ytterlegare informasjon for å ha best moglege anslag og vurderingar. SFT sin analyse vil bli offentleggjort samtidig med regjeringa si stortingsmelding om klimapolitikken. Regjeringa har varsla at meldinga kjem i juni.