Torsdag 29. mars reiste SFT-direktør Ellen Hambro saman med miljøvernminister Helen Bjørnøy til Polen for å møte den polske miljøvernministeren. Samarbeidsprosjektet mellom Polish Chief Inspectorate for Environmental Protection (GIOS) og SFT vil vere eitt av punkta på dagsorden.

Omfattande samarbeidsprosjekt

I tillegg vil Hambro leie ein delegasjon frå SFT som skal møte representantar frå GIOS for å diskutere oppstart og vidare framdrift i det omfattande samarbeidsprosjektet. Det skal bidra til å styrkje miljølovgivinga i Polen og setje polske myndigheiter i stand til å gjennomføre lovgivinga.

GIOS og SFT

• Samarbeidet mellom Polish Chief Inspectorate for Environmental Protection (GIOS) og Klima- og forureiningsdirektoratet starta i mai 2004.
• I 2006 underskreiv GIOS og SFT ei samarbeidsavtale med sikte på å styrkje miljøvernarbeidet i Polen. Samarbeidet fokuserte på tre område: Tilsyn, oppbygging av datasystem for å handtere kontrolldata og miljøinformasjon på nett.
• I mars 2007 fekk GIOS innvilga støtte frå EØS-finansieringsordningane til eit samarbeidsprosjekt med SFT.
• Prosjektet er planlagt gjennomført i løpet av tre år og har ei økonomisk ramme på 1 709 826 euro.