Det akutte utsleppet var svært høgt, og tilsvarde 86 prosent av utsleppa til bedrifta av sink i heile 2005. SFT så svært alvorleg på utsleppet, som hadde stort potensial for miljøeffektar i fjorden.

Stort sinkutslepp

Sink er akutt giftig ved høge konsentrasjonar. Berekningar frå Norsk institutt for vassforsking (NIVA) viste at det gjekk noko tid før utsleppet blei tilstrekkeleg fortynt til å vere under grenseverdien for kva som reknas som akutt giftig.

Det er derfor sannsynleg at djupvatnsområde i Sørfjorden blei påverka av sinkkonsentrasjonar som blir rekna som akutt giftige. Utsleppet har likevel ikkje gitt store langtidseffektar.

To millionar i bot

Boliden Odda AS har vedteke eit førelegg frå politiet i Hordaland på to millionar kronar. Bedrifta fekk bota for det ulovlege utsleppet og for brot på reglane om internkontroll.

Tryggleiksvurderinga før tanken blei teken i bruk, var mangelfull. Boliden Odda AS hadde heller ikkje gode nok system for å oppdage denne typen uhell, og omfanget av utsleppet kunne derfor vore redusert.

Bedrifta har i etterkant gjennomført fleire tiltak for å hindre at liknande situasjonar hender igjen.