Til toppen av siden

Kvikksølv i næringskjede på Svalbard

13.05.08 Dyr i Arktis høgt opp i næringskjeda, har høgre nivå av kvikksølv enn dyr lågt ned i næringskjeda. Fuglar som polarmåse og havhest høgt i næringskjeda, har høgre nivå av kvikksølv enn polartorsk og små krepsdyr som dei lever av.

Norsk Polarinstitutt har eit prosjekt om kvikksølv i marine næringskjeder i Arktis. Klima- og forureiningsdirektoratet har finansiert analysar av kvikksølv i dette prosjektet. Dyr på ulike nivå i næringskjeda er undersøkt, frå små krepsdyr til fuglar på toppen av næringskjeda.

Mest kvikksølv høgast i næringskjeda

Resultata syner at heilt nedst i næringskjeda, hos zooplankton, var det ikkje mogleg å oppdage kvikksølv. Polartorsken står noko over zooplankton i næringskjeda og i torsken vart noko kvikksølv funne.

Fuglane polarmåse og havhest, som står på toppen av næringskjeda, hadde dei høgste nivåa av kvikksølv.

Samanheng mellom konsentrasjon

Ved å undersøkje kva nivå i næringskjeda dei ulike artane er på, vart det mogleg å fastslå at det er ein klar samanheng mellom konsentrasjonen av kvikksølv i dyra og kva nivå i næringskjeda artane er på.

Det tyder at kvikksølv samlar seg i høgare konsentrasjonar hos dei artane som er på toppen av marine næringskjedei Arktis.

Spørsmål kan rettast til:

Til toppen av siden

Tema

 

Klima- og forurensningsdirektoratet (Klif), postboks 8100 Dep, 0032 Oslo. Besøk: Strømsveien 96, 0663 Oslo. Telefon: 22 57 34 00.
Telefaks: 22 67 67 06. E-post: postmottak@klif.no. Organisasjonsnummer: 970 935 657. Nettredaktør: nettredaktor@klif.no.

Til toppen av siden