Auka vrakpant: For 2008 har Stortinget auka vrakpanten frå 1500 kroner til 5000 kroner for dei kjøretøya med høgast utslepp av partiklar og nitrogenoksid (NOx).

Forhøginga er førebels og gjeld i perioden 1. januar 2008 til 31. desember 2008 for kjøretøy som var registrerte i 2007. Tiltaket er meint å skunde på utrangeringa av dei mest forureinande kjøretøya.

5000 kroner i vrakpant

Alle godkjente biloppsamlarar vil i 2008 gi 5000 kroner i vrakpant for:

• Personbilar: totalvekt over 2500 kilo og opp til 3500 kilo - årsmodell til og med 1990
• Varebilar: klasse 2 diesel med referansevekt over 1250 kilo til og med 1700 kilo - årsmodell til og med 1991
• Varebilar: klasse 3 diesel med referansevekt 1700 kilo til og med 3500 kilo - årsmodell til og med 1991
• Bussar: diesel med totalvekt til og med 3500 kilo - årsmodell til og med 1991

Tilskot til biloppsamlarar

I tillegg vil det bli gitt 5000 kroner i vrakpant til enkelte tyngre kjøretøy som ikkje tidlegare var omfatta av vrakpantordninga.

Biloppsamlarane har ikkje plikt til å ta imot desse kjøretøya. Berre nokre biloppsamlarar har utstyr til å miljøsanere kjøretøya - det vil seie å fjerne miljøfarlege delar og væsker.

Det er også auka kostnader ved behandlinga av desse kjøretøya. Derfor vil biloppsamlarane få eit tilskot per vraka kjøretøy i desse kategoriane:

• Varebilar/kassebilar: klasse 3 diesel med referansevekt over 3501 kilo - årsmodell til og med 1991
• Bussar: diesel med totalvekt over 3500 kilo og under 7500 kilo - årsmodell til og med 1995
• Lastebilar: totalvekt over 3500 kilo og under 7500 kilo - årsmodell til og med 1995

For tyngre varebilar/kassebilar klasse 3 vil tilskotet vere på 2550 kroner per kjøretøy.

For tyngre bussar og lastebilar vil tilskotet vere 5000 kroner per kjøretøy. Storleiken på stønaden er grunna i at kjøretøya inneheld store mengder hydraulikk og liknande som vil gi biloppsamlarane auka kostnader. Tilskotet vil bli utbetalt etterskotsvis.

Søknad om ekstra støtte

Enkelte kjøretøy med påbygg, herunder kjølerom, kan føre til større kostnader for biloppsamlarane. Tollregion Midt-Norge kan innvilge ekstraordinær stønad ved søknad med dokumentasjon på desse utgiftene. Send søknaden til:

• Tollregion Midt-Norge, 8039 Bodø

Vi ber publikum kontakte den enkelte biloppsamlar på førehand for å sjekke om dei har muligheit til å ta imot tyngre kjøretøy.