Til toppen av siden

Kommunane må ta imot PCB-ruter gratis

31.03.08 Miljøverndepartementet utvidar kommunane si mottaksplikt for isolerglasruter som inneheld PCB. Husholdningene kan levere inn PCB-ruter til avfallsmottak gratis.

Islolerglassruter. Foto: SFT.
Alt skal vekk: Innsamlinga av isolerglasruter som inneheld PCB har auka vesentleg dei siste åra. Det er viktig å sikre at den høge innleveringa fortset inntil alle PCB-ruter er bytte ut.

Gratis innlevering

Polyklorerte bifenyler (PCB)

  • PCB er ei av dei farlegaste miljøgiftene vi kjenner til.
  • Ny bruk av PCB blei forboden i Noreg i 1980, men enno finst det PCB i produkt som er i bruk.
  • Isolerglasruter frå 60- og 70-talet inneheld som oftast PCB, og må takast hand om som farleg avfall når dei blir kasserte.

Miljøverndepartementet utvidar derfor kommunen si mottaksplikt for PCB-ruter frå 1. juni 2008. Huslydane kan levere inn PCB-ruter til avfallsmottak utan å måtte betale gebyr. Kommunen er også pålagd å ta imot større mengder PCB-ruter enn tidlegare.

På denne måten blir leveringskostnadene reduserte samtidig som  mottakssystemet blir meir tilgjengeleg, slik at innleveringa blir stimulert.

Alle kommunar får brev

For å oppnå føremålet med den nye reguleringa, er det viktig at kommunane følgjer opp pliktene. Fleire kommunar må endre mottaksgebyra for farleg avfall. SFT informerer alle landet sine kommunar om krava og kva vi forventar av dei.

Dei nye pliktene er innførde som ei endring av avfallsforskrifta kapittel 14 om kasserte isolerglasruter som inneheld PCB.

Spørsmål kan rettast til SFT:

Til toppen av siden

Tema

 

Klima- og forurensningsdirektoratet (Klif), postboks 8100 Dep, 0032 Oslo. Besøk: Strømsveien 96, 0663 Oslo. Telefon: 22 57 34 00.
Telefaks: 22 67 67 06. E-post: postmottak@klif.no. Organisasjonsnummer: 970 935 657. Nettredaktør: nettredaktor@klif.no.

Til toppen av siden