Til toppen av siden

Eras Metal bøtelagd etter ulovleg utslepp

08.01.09 SFT melde Eras Metal AS i Høyanger i Sogn og Fjordane til politiet for ulovleg utslepp av 15 tonn slurry til Høyangsfjorden. Verksemda har no vedteke politiet si bot på 300.000 kroner.

Eras Metal AS hadde i september 2006 eit større akuttutslepp då 14,7 tonn slurry frå produksjon av sinkoksid rann ut i Høyangsfjorden. Over 4 tonn av slurryen var såkalla ERAS-oksid, som etter analyse viste seg å innehalde ca. 125 kilo bly. Det er 12-13 gonger meir bly enn det bedrifta hadde løyve til å sleppe ut årleg.

Alvorleg utslepp

SFT såg svært alvorleg på hendinga fordi utsleppet av bly til Høyangsfjorden var ein alvorleg miljøtrussel. Bly blir akkumulert i miljøet og blir teke opp av blant anna sjødyr, slik at tilførsle av bly i denne storleiken er svært uheldig for tilstanden i fjorden. SFT melde derfor bedrifta til politiet.

Sogn og Fjordane politidistrikt ga Eras Metal AS i høst ei bot på 300.000 kroner for utsleppet. Verksemda har no vedteke bota.

Spørsmål kan rettast til SFT:

  • seksjonssjef Harald Sørby, seksjon for mineralsk og petrokjemisk industri
    telefon: 22 57 34 74, e-post: harald.sorby@klif.no
  • senioringeniør Bente Sleire, seksjon for mineralsk og petrokjemisk industri
    telefon: 22 57 35 59, e-post: bente.sleire@klif.no
Til toppen av siden

Tema

 

Klima- og forurensningsdirektoratet (Klif), postboks 8100 Dep, 0032 Oslo. Besøk: Strømsveien 96, 0663 Oslo. Telefon: 22 57 34 00.
Telefaks: 22 67 67 06. E-post: postmottak@klif.no. Organisasjonsnummer: 970 935 657. Nettredaktør: nettredaktor@klif.no.

Til toppen av siden