EU sitt deponidirektiv blei teke inn i norsk regelverk i 2002, med ein overgangsperiode for noverande anlegg fram til 16. juli 2009. Etter denne datoen, gjeld nye og strenge miljøkrav for alle deponi som er i drift.

Mindre utslepp av klimagassar og miljøgifter

– Vi forventar at dette vil føre til vesentleg mindre miljøbelastning frå deponering. Dette gjeld både reduserte utslepp av klimagassar og miljøgifter til vatn. For å få til dette, har både deponieigarar og myndigheitene gjort ein omfattande innsats, seier seksjonssjef Pål Spillum i Klima- og forureiningsdirektoratet.

Mange avfallsdeponi har fått nye løyve i løpet av 2009. Fylkesmennene har jobba intensivt for å kome i mål innanfor denne fristen.

Mindre deponering

– Sjølv om det blir mindre deponering i tida framover, er det viktig at vi beheld ein del deponi og at desse held høg miljøstandard. For enkelte avfallstypar finst det ikkje andre behandlingsløysingar, seier seksjonssjef Pål Spillum i SFT.

Nå står det att å sørgje for ei mest mogeleg miljøtenleg forsvarleg avslutning og etterdrift av dei deponia som frå i dag av ikkje lenger kan ta i mot avfall.