Før opprydningen:

Undervegs i opprydningsarbeidet:

Etter opprydningen:

Arbeidet med å rydde opp i grunnen på den mest forureina delen av den tidlegare fabrikkeigedomen til malingsprodusenten Monopol-Hempel på Askøy i Hordaland har omfatta fjerning av forureina masse frå tidlegare tønnelager og tømming av sandfang/kummar med påvist forureina masse. Foto: Klima- og forureiningsdirektoratet.

– Vi måtte rydde opp for å hindre at forureininga kunne føre til helsefare for folk som oppheld seg på eigedomen, seier Ellen Hambro, direktør for Klima- og forureningsdirektoratet (Klif, tidlegare SFT).

Ho presiserer at direktoratet kjem til å vurdere å få utlegga tilbakebetalt frå dei ansvarlege for forureininga.

Ventar på høgsterett

Både tingretten og lagmannsretten er einige med miljøstyresmaktene i at Hempel A/S er ansvarleg for å føreta miljøtekniske undersøkingar på dei to eigedomane kor Monopol-Hempel hadde fabrikk og avfallsdeponi. Saka er anka vidare til høgsterett og blir handsama der frå 17.-18. februar.

Rettssaken omhandlar kun kven som kan påleggjast å undersøke dei forureina eigedomane. Det gjenstår å ta stillig til kven som skal betale for sjølve oppryddinga.

Store mengder PCB

Eigedomen blei i stor grad rensa heilt ned til fjellet og det blei fjerna så mykje som 2280 tonn forureina masse med stort innhald av PCB og bly. Av dette blei 121 tonn masse vurdert som farleg avfall på grunn av særdeles høgt innhald av PCB.

Den forureininga som låg over grensa for kva som er akseptabelt på eigedomen, er no fjerna. Det er fylt tilbake reine steinmassar.
Den akutte forureiningssituasjon er avverga, men det gjenstår enno mykje opprydningsarbeid på andre delar av tomta til den tidlegare malingsprodusenten.