Gjennom fleire år har Klima- og forureiningsdirektoratet (Klif, tidlegare SFT) gitt betydelege økonomisk bidrag for å løyse miljøproblema i dette området. Årets tildeling av midlar er basert på tidlegare resultat og anbefalingane etter fjorårets arbeid med Jærvassdraga.

Jærvassdraget ligg i Rogaland.

Alvorleg situasjon

– Den alvorlege forureininga i vassdraga på Jæren er bakgrunnen for at vi i fleire år har gitt tilskot til det arbeidet som blir drive i regi av Aksjon Jærvassdrag. Morsa Vannområdeutvalg har liknande problem og mottar tilsvarande støtte, seier avdelingsdirektør i Klima- og forureiningsdirektoratet, Marit Kjeldby.

Eit av måla med aksjonen er å hindre overgjødsling i vassdraget og på denne måten betre vasskvaliteten.

Samarbeid

Aksjon Jærvassdrag og Morsa Vannområdeutvalg har forplikta seg til å samarbeide om felles problemstillingar, utveksle erfaringer etc. Tidlegare arbeid har gitt mykje ny verdfull kunnskap, kunnskap som blant anna er brukt i arbeidet i tilknytning til vassforskrifta. Det er også ein føresetnad at kunnskapen blir gjort tilgjengeleg for andre på ein god måte.

Kunnskapsdelingen kan vere informasjon på internett, utarbeiding av brosjyrer/bøker og ved å arrangere konferansar og kurs.