Ved akutt
forurensning
ring: 110
Til toppen av siden
Les meir:
Relaterte målgruppetema:
Relaterte tema:
Eksterne lenker
Nettstad informerer om 25 000 kjemiske produkt
28.05.10 Produktinformasjonsbanken kjem no i ny og betre versjon. Nettstaden har helse- og miljøinformasjon om 25 000 kjemiske produkt som blir omsett i Noreg. Her finn du også eit oppslagsverk for sikkerheitsdatablad.
Produktinformasjonsbanken (PIB): Produktregisteret i Klima- og forureiningsdirektoratet (Klif) driftar nettstaden, som inneheld åpen informasjon om 25 000 kjemiske produkt og gir tilgang til mange sikkerheitsdatablad.
Produktregisteret
- Alle kjemiske produkt som er klassifisert etter merkeforskrifta og som blir produsert eller importert i volum på 100 kilo eller meir per år, skal deklarerast til Produktregisteret.
- Gjeld også produkt som blir omfatta av forskrift om deklarering og merking av mikrobiologiske produkt og biocidforskrifta.
- Det er også moglegheit for frivillig deklarering av produkt.
- Produktinformasjonsbanken (PIB) er styresmaktene sitt sentrale register over kjemiske produkt som blir omsett i Norge.
Føremålet med Produktinformasjonsbanken er å effektivisere formidlinga av informasjon frå produsentar og importørar av kjemikaliar til profesjonelle brukarar. Vanlege forbrukarar og offentlege instansar kan også finne nyttig informasjon her.
–Vi håpar at den nye versjonen av nettstaden med forbetra søkemoglegheit og tilgang til fleire sikkerheitsdatablad enn før, vil føre til ein auka bruk av dataene. Auka kunnskap er viktig i arbeidet med å redusere bruk, skadar og utslepp av farlege kjemikaliar, seier Ellen Hambro, direktør for Klima- og forureiningsdirektoratet.
25 000 kjemiske produkt
Produktregisteret har registrert over 25 000 kjemiske produkt. Talet aukar med rundt 500 kvart år. PIB viser åpen informasjon om desse produkta. Nettstaden legg dessutan til rette for at leverandørane av kjemiske produkt kan publisere sikkerheitsdatablad.
– Vi vil jobbe vidare med nettstaden for å gi tilgang til alle sikkerheitsdatablad og moglegheit for søk på såkalla verstingstoff slik at nettstaden på sikt kan bli eit godt verktøy for industrien sitt kontinuerlige arbeid med å erstatte farlege stoff med mindre farlege stoff, seier Ellen Hambro.
Vil ha med fleire systemleverandørar
Sikkerheitsdatablad
- Eit følgeskriv som skal innehalde informasjon om farlege eigenskapar og føreslå vernetiltak ved bruk av farlege kjemikalie.
- Den som framstiller, importerer eller leverer kjemikaliar har plikt til å aktivt levere sikkerheitsdatablad til profesjonelle brukarar.
- Dei som leverast til brukarar i Noreg skal vere skrivne på norsk.
Ein del leverandørar av kjemiske produkt nyttar seg av verksemder som tilbyr system for blant anna lagring, oppdatering og i enkelte tilfelle produksjon av datablad.
Produktregisteret samarbeider med nokre systemleverandørar for å få til eit felles format for elektroniske sikkerheitsdatablad og for å få tilgang til sikkerheitsdatablad på PIB. Vi jobbar for at fleire systemleverandørar skal bli med i tilsvarande samarbeid.
Leverandørane av kjemiske produkt kan også registrere miljømerka, EU-blomsten og Svanen, i tilknytning til annan produktinformasjon i PIB. Opplasting av sikkerheitsdatablad og registrering av miljømerking krev innlogging.
Spørsmål kan rettast til:
- seksjonssjef Cecilie Kristiansen, produktregisteret
telefon: 22 57 34 69, e-post: cecilie.kristiansen@klif.no
Tema
Klima- og forurensningsdirektoratet (Klif), postboks 8100 Dep, 0032 Oslo. Besøk: Strømsveien 96, 0663 Oslo. Telefon: 22 57 34 00.
Telefaks: 22 67 67 06. E-post: postmottak@klif.no. Organisasjonsnummer: 970 935 657. Nettredaktør: nettredaktor@klif.no.
